Ođđa/rievdadus
Rievdadus 18. borgemánu b. 2010
Boazo- ja boazodoallokonferánsa – Romssas, skábmamánu 16. – 18. b. 2010
2. almmuheapmi – NOR-konferánsa 2010
16. davviriikkaid boazo- ja boazodoallodutkamiid konferánsa
Konferánsa lágiduvvo Romssa universitehtas, skábmamánu 16.-18. b. 2010
Lágideaddjit leat:
Sámi dutkamiid guovddáš ja Davviriikkaid boazodoallodutkamiid orgána (NOR)
Konferánsa lea máŋggafágalaš, ja dat guoskkaha muhtun váldofáttáid. Mii bovdet oasseváldiid logaldallat ja čájehit posteriid buot fáttáin mat gusket bohccui ja boazodollui.
Mii leat aiddo ráhkkanišgoahtán konferánsii, ja don sáhtát áinnas evttohit organiserema guoski áššiid ja fáttáid.
2010 giđa mielde oaččut bovdehusa ja eanet dieđuid prográmma ja registrerema birra. Dát dieđut bohtet dađistaga ja daid gávdná NOR ja Sámi dutkamiid guovddáža neahttasiidduin (www.rangifer.no ; www.sami.uit.no).
Konferánsa lea oaivvilduvvon buohkaide geat beroštit bohccuin ja boazodoalus. Leat plánen ahte konferánsa dulkojuvvo gaskal suomagiela ja skandinávagiela, ja gaskal sámegiela ja skandinávagiela.
Muitte várret áiggi 2010 skábmamánu gaskkamuttus dán konferánsii.
Sáhtát váldit oktavuođa čuovvovaš olbmuiguin:
Carina Sandvik
Sámi dutkamiid guovddáš, Romssa universitehta (carina.sandvik@uit.no)
Hildegunn Bruland
Sámi dutkamiid guovddáš, Romssa universitehta (hildegunn.bruland@uit.no)
Rolf Egil Haugerud
Davviriikkaid boazodoallodutkamiid orgána (NOR) čálli (rolf.e.haugerud@uit.no)
|
